Transcription
1
Madamoyselle λ [λ : ma cousine], jusques à present navoys heu moyen
2
satisfère à ma promesse de vous fère entandre de nous
3
nouvelles ; et nayant voulu leysser passr ceste cy sans
4
vous fère entendre de notre retour en Daulphiné et jusques
5
à Dieulefit en santé et sans empechement où sesjourne
6
quelques jours, prinsmes resollution de venir en ces
7
cartiers de Dye pour le surprandre par escallade,
8
mais les traistres qui sont par nous nous empecharent ;
9
et là, je feus blessé dune arquibusade au travers du
10
pied, de la quelle, à leyde de Dieu, espère bien
11
tost guerir. Et pour raison de ce, de quelque temps ne
12
pourrey fère service à pied. Je vous supplie très
13
humblement me fère ce bien de fère retenir
14
pour moy le frison de feu monsieur de Collans au
15
meilheur marché que pourrés. Et, estant adverti du
16
pris, à la première commodité seure lenvoyrey querir.
17
Et à cest androict finerey la presente par mes très humbles
18
recommendations à votre bone grace, et aultant en presente
19
à monsieur et madamoyselle de Piarre Gourde,
20
ma cousine Marie et la petite cousine, vous
21
baisant les mains et vous suppliant me tenir tous
22
en vous bones graces et priant celluy qui a tout
23
pouvoir vous donner
24
madamoiselle ma cousine en parfaicte santé, lentier effaict de
25
vous sainctz et justes desirs. De Pontaix, ce dernier
26
dapvril 1573.
27
Votre plus affectioné cousin à vous
28
fère service .C. de colan